ഒന്നരവയസുകാരന് ദാരുണാന്ത്യം. മുവാറ്റുപുഴ പായിപ്ര സ്വദേശി അനസിന്റെ മകൻ അബ്ദുള് സമദാണ് ടെലിവിഷൻ ദേഹത്തേക്ക് മറിഞ്ഞ് വീണ് മരിച്ചത്. ഇന്നലെ രാത്രി ഒമ്പതരയോടെയാരുന്നു സംഭവം നടന്നത്. സ്റ്റാൻഡിനൊപ്പം ടിവിയും കുട്ടിയുടെ ദേഹത്തേക്ക് മറിഞ്ഞ് വീഴുകയായിരുന്നു. ഗുരുതരമായി പരുക്കേറ്റ കുട്ടിയെ സ്വകാര്യ ആശുപത്രിയിലും പിന്നീട് ആസ്റ്റർ മെഡിസിറ്റിയിലേക്കും മാറ്റിയിരുന്നുവെങ്കിലും കുട്ടിയുടെ ജീവൻ രക്ഷിക്കാൻ കഴിഞ്ഞില്ല. കുട്ടിയുടെ മൃതദേഹം ബന്ധുക്കള്ക്ക് വിട്ടു നല്കും. ഇന്ന് തന്നെ സംസ്കാരം നടത്തും.