സംസ്ഥാനത്ത് മഴ ശക്തമാകുന്നു. വടക്കന് ജില്ലകളില് അതിതീവ്ര മഴ മുന്നറിയിപ്പ് പ്രഖ്യാപിച്ചു. രണ്ട് ജില്ലകളില് റെഡ് അലര്ട്ട്, ഏഴ് ജില്ലകളില് ഓറഞ്ച് അലര്ട്ട്, നാല് ജില്ലകളില് യെല്ലോ അലര്ട്ട് എന്നിങ്ങനെയാണ് മുന്നറിയിപ്പുകള്.
കണ്ണൂര്, കാസര്ഗോഡ് ജില്ലകളിലാണ് റെഡ് അലര്ട്ട് പ്രഖ്യാപിച്ചിരിക്കുന്നത്. കോഴിക്കോട്, വയനാട്, മലപ്പുറം, പാലക്കാട്, തൃശൂര്, എറണാകുളം, ഇടുക്കി ജില്ലകളില് ഓറഞ്ച് അലര്ട്ടും കൊല്ലം, പത്തനംതിട്ട, കോട്ടയം, ആലപ്പുഴ ജില്ലകളില് യെല്ലോ അലേര്ട്ടും പ്രഖ്യാപിച്ചു. തിരുവനന്തപുരം ജില്ലയില് മഴമുന്നറിയിപ്പില്ല.
