സോഷ്യല്‍ മീഡിയയില്‍ വീഡിയോ വൈറലാകാന്‍ വേണ്ടി എന്തും ചെയ്യുന്ന ചിലയാളുകള്‍ ഉണ്ട്. എന്നാല്‍ ക്രൂരതയ്ക്കും ഒരു അതിരില്ലേ?
അതും മണ്ടാപ്രാണികളോട്? മൃഗസ്നേഹികളും ഗോസംരക്ഷകരും ധാരാളമുള്ള ഈ രാജ്യത്ത് ഇതൊന്നും ആരും ശ്രദ്ധിക്കുന്നില്ലേ?
ഒരു പാമ്ബ് പശുവിനെ കൊത്തുമ്ബോള്‍ പാമ്ബിനെ ഓടിച്ചു വിടാനോ പശുവിനെ പാമ്ബുകടിയില്‍നിന്ന് സംരക്ഷിക്കാനോ തയാറാകാതെ കാമറയില്‍ അത് ഷൂട്ട് ചെയ്യുകയാണ് ഇവിടെ യൂട്യൂബര്‍. പലപ്രാവശ്യം പാമ്ബു കൊത്തുമ്ബോഴും, കയറില്‍ കെട്ടിയിട്ട പശുവിന് ഒന്നും ചെയ്യാനാകുന്നില്ല. ദുരിതത്തിലായ മൃഗത്തെ സഹായിക്കാൻ ഒന്നും ചെയ്യാതെ ഇൻസ്റ്റാഗ്രാം റീലിനായി അത് നന്നായി ഷൂട്ട് ചെയ്യാനുള്ള തത്രപ്പടിലാണ് അയാള്‍.
“rokeykomupanchal_1107” എന്ന പേരിലുള്ള ഇൻസ്റ്റാഗ്രാം അക്കൗണ്ടിലാണ് വൈറല്‍ വീഡിയോ അപ്‌ലോഡ് ചെയ്തിരിക്കുന്നത്. പശുവിനെ ഭക്ഷണം കഴിക്കുന്ന സ്ഥലത്ത് കെട്ടിയിരിക്കുന്നത് ദൃശ്യങ്ങളില്‍ കാണാം. അതിനടുത്തായി ഒരു മൂർഖൻ പാമ്ബ് . അപകടത്തെക്കുറിച്ച്‌ അറിയാതെ പശു അടുത്തേക്ക് നീങ്ങി പാമ്ബിനെ മണം പിടിക്കുന്നു. പെട്ടെന്ന്, മൂർഖൻ പശുവിന്റെ മുഖത്ത് കടിച്ചു- ഒരിക്കലല്ല, മൂന്ന് തവണ. ആക്രമണത്തില്‍ പശു ഭയന്ന് വേദനയെടുത്ത് ചാടുന്നുണ്ട്. ഈ ഞെട്ടിക്കുന്ന വീഡിയോ സോഷ്യല്‍ മീഡിയയില്‍ വൻ പ്രതിഷേധത്തിന് ഇടയാക്കിയിട്ടുണ്ട്. രോഷാകുലരായ നെറ്റിസണ്‍സ് ഈ സാഹചര്യത്തില്‍ അവിശ്വാസവും രോഷവും പ്രകടിപ്പിച്ചു