കൂത്തുപറമ്പ് സമരനായകന് പുഷ്പന് അന്തരിച്ചു. 54 വയസായിരുന്നു. കോഴിക്കോട് ബേബി മെമ്മോറിയല് ആശുപത്രിയില് മൂന്നരയോടു കൂടിയായിരുന്നു അന്ത്യം. ആഗസ്ത് രണ്ടിന് വൈകിട്ടാണ് അതീവഗുരുതരാവസ്ഥയില് ആശുപത്രിയില് പ്രവേശിപ്പിച്ചത്. പിന്നീട് ഹൃദയാഘാതമുണ്ടായതിനെതുടര്ന്ന് വെന്റിലേറ്ററിലേക്ക് മാറ്റിയെങ്കിലും ജീവന് രക്ഷിക്കാനായില്ല. മൃതദേഹം ഇന്ന് ആശുപത്രിയില് സൂക്ഷിക്കും. നാളെ വിലാപയാത്രയായി ജന്മദേശമായ കണ്ണൂര് ചൊക്ലിയിലേക്ക് കൊണ്ടുപോകും. നാളെയാണ് സംസ്കാരം. സിപിഐ എം നോര്ത്ത് മേനപ്രം ബ്രാഞ്ചംഗമായിരുന്നു.
1994 നവംബര് 25ന് കേരളത്തെ നടുക്കിയ കൂത്തുപറമ്പ് പൊലീസ് വെടിവയ്പ്പില് 5 ഡിവൈഎഫ്ഐക്കാര് മരണമടഞ്ഞപ്പോള്, വെടിയേറ്റ് ശരീരം തളര്ന്ന് ജീവിതകാലം മുഴുവന് ശയ്യയില് ആയതാണ് പുഷ്പന്. അന്നത്തെ വെടിവെപ്പില് പുഷ്പന്റെ സുഷുമ്നനാഡിയാണ് തകര്ന്നത്, ഇരുപത്തിനാലാം വയസില്. കൂട്ടത്തിലുള്ള സഖാക്കള് വെടിയേറ്റു വീഴുന്നതിന് സാക്ഷിയായിട്ടും ധൈര്യപൂര്വം നിറതോക്കുകള്ക്കിടയിലേക്കിറങ്ങിയ പുഷ്പന് ഒരു കാലഘട്ടത്തിന്റെ സമരാവേശമായിരുന്നു.
തലയ്ക്ക് പിന്നില് വെടിയേറ്റ പുഷ്പന് പിന്നീട് എഴുന്നേറ്റ് നടന്നില്ല. പാര്ട്ടിയുടെ തണലിലായിരുന്നു പിന്നീടുള്ള പുഷ്പന്റെ ജീവിതം.
