പെരുമ്പാവൂരില് ഓടയ്ക്കാലിയില് യുവതിയെ വീടിനുള്ളില് തൂങ്ങിമരിച്ച നിലയില് കണ്ടെത്തി. ഓടയ്ക്കാലി പുളിയാമ്ബിള്ളിമുഗള്, നെടുമ്ബുറത്ത് വീട്ടില് വിഷ്ണുവിന്റെ ഭാര്യ ചാന്ദിനി 29 ആണ് മരിച്ചത്.ഇന്നലെയായിരുന്നു സംഭവം. ചാന്ദിനി ഒരു സ്വകാര്യ മൈക്രോ ഫൈനാൻസ് സ്ഥാപനത്തില് നിന്ന് പണം വായ്പ എടുത്തിരുന്നുവെന്നാണ് വിവരം. ഇതിന്റെ ഗഡുക്കള് അടയ്ക്കേണ്ട ദിവസമായിരുന്നു ബുധനാഴ്ച. ഫൈനാൻസ് സ്ഥാപനത്തിലെ ജീവനക്കാരില് ചിലർ ബുധനാഴ്ച വീട്ടില് വന്നതായി ബന്ധുക്കളില് ചിലർ പറയുന്നുണ്ട്. കുറുപ്പുംപടി പോലീസ് സ്ഥലത്തെത്തി അസ്വഭാവിക മരണത്തിന് കേസെടുത്ത് അന്വേഷണം ആരംഭിച്ചു.