ലോക്സഭ തിരഞ്ഞെടുപ്പിലെ തോല്വിയെപറ്റി ചര്ച്ച ചെയ്യാന് ചേര്ന്ന് സിപിഐഎം കൊല്ലം ജില്ലാ കമ്മിറ്റിയില് മുഖ്യമന്ത്രിയ്ക്ക രൂക്ഷ വിമര്ശനം.മുഖ്യമന്ത്രി കൈകാര്യം ചെയ്യുന്ന ആഭ്യന്തരവകുപ്പും പോലീസും സര്ക്കാരിന് നാണക്കേടുണ്ടാക്കിയെന്ന് ജില്ലാ കമ്മിറ്റിയില് വിമര്ശനം ഉയര്ന്നു. മന്ത്രിസഭ ഉടന് പുനസംഘടിപ്പിക്കണമെന്ന കമ്മിറ്റിയില് ആവശ്യം ഉയര്ന്നിരുന്നു. സംസ്ഥാന നേതൃത്വം കണ്ണൂരിലെ നേതാക്കള്ക്ക് കീഴ്പ്പെട്ടു. തെരഞ്ഞെടുപ്പ് തോല്വിക്ക് പിന്നാലെയുള്ള മാര് കൂറിലോസിന്റെ വിമര്ശനത്തോട് മുഖ്യമന്ത്രി രൂക്ഷമായ ഭാഷ ഉപയോഗിച്ചു.സര്ക്കാരിന്റെ പ്രവര്ത്തനം വിലയിരുത്തുന്നതില് പാര്ട്ടി പരാജയപ്പെട്ടു. മുകേഷിന്റെ സ്ഥാനാര്ത്ഥിത്വത്തിന് എതിരെയും ജില്ലാ കമ്മറ്റിയില് വിമര്ശനം ഉയര്ന്നു.പിബി അംഗം എംഎം ബേബിയുടേയും കേന്ദ്ര കമ്മറ്റി അംഗം സിഎസ് സുജാതയുടേയും സാന്നിദ്ധ്യത്തിലായിരുന്നു ജില്ലാ കമ്മറ്റി യോഗം