മലപ്പുറം വെളിയംകോടുണ്ടായ ബൈക്ക് അപകടത്തില് രണ്ട് യുവാക്കള്ക്ക് ദാരുണാന്ത്യം. ബുള്ളറ്റ് പാലത്തില് കൈവരി നിര്മ്മിക്കുന്നതിനായി കെട്ടിയ കമ്ബിയിലേക്ക് ഇടിച്ചുകയറുകയായിരുന്നു. വെളിയംകോട് സ്വദേശി ആഷിഖ് (22), കരിങ്കല്ലത്താണി സ്വദേശി ഫാസില് (19) എന്നിവരാണ് മരിച്ചത്. ഇന്നലെ രാത്രി ചാവക്കാട്-പൊന്നാനി ദേശീയ പാതയില് വെളിയംകോടാണ് അപകടം ഉണ്ടായത്. രാത്രിയായതിനാല് കമ്ബികള് കണ്ടിരുന്നില്ല. ഈ വഴി കടന്നുപോകവെയാണ് അപകടമുണ്ടായത്. തുടര്ന്ന് ഇരുവരെയും ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ആഷിഖിന്റെ ജന്മദിനമായിരുന്നു ഇന്ന്.