റിമോട്ട് കണ്ട്രോള് ഗേറ്റില് കുടുങ്ങി നാലാം ക്ലാസ് വിദ്യാർഥി മരിച്ചു. വൈലത്തൂർ ചിലവില് സ്വദേശി അബ്ദുള് ഗഫൂറിൻ്റെയും സജിലയുടെയും മകൻ മുഹമ്മദ് സിനാൻ (9)മരിച്ചത്. തിരൂർ ആലിൻ ചുവട് എം.ഇ.ടി. സെൻട്രല് സ്കൂള് വിദ്യാർഥിയാണ് സിനാൻ. റിമോട്ട് കണ്ട്രോള് ഗേറ്റ് തുറന്നടക്കുമ്ബോള് ഗേറ്റിനിടയില് കുടുങ്ങുകയായിരുന്നു. മലപ്പുറം തിരൂരിനടുത്ത് വൈലത്തൂർ ചിലവില് വ്യാഴാഴ്ച വൈകീട്ട് നാലു മണിയോടെയായിരുന്നു സംഭവം. പള്ളിയില് നിസ്കാരത്തിനായി പോകുമ്ബോള് അയല്പക്കത്തെ റിമോട്ട് കണ്ട്രോള് ഗേറ്റ് തുറന്ന് അടക്കുമ്ബോള് ഗേറ്റിനുള്ളില് കുടുങ്ങുകയായിരുന്നു. പരിക്കേറ്റ കുട്ടിയെ കോട്ടക്കല് സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രിയില് സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനല്കും