യൂത്ത് കോണ്‍ഗ്രസ് സംസ്ഥാന സമ്മേളന പണപ്പിരിവിന് ഉപയോഗിക്കുന്നത് നേതാവിന്റെ സ്വകാര്യ അക്കൗണ്ടും ഗൂഗിള്‍ പേ നമ്പറും. തൃശൂരില്‍ നടക്കുന്ന സംസ്ഥാന സമ്മേളന നടത്തിപ്പിനുള്ള പണം എത്തുന്നത് സംസ്ഥാന ജനറല്‍ സെക്രട്ടറി ജോബിന്‍ ജേക്കബിന്റെ പേരിലുള്ള സൗത്ത് ഇന്ത്യന്‍ ബാങ്ക് തൃശൂര്‍ മിഷന്‍ ക്വാര്‍ട്ടേഴ്സ് ബ്രാഞ്ചിലെ അക്കൗണ്ടിലേക്കാണ്. ഇതിനെതിരെ സംസ്ഥാന ഭാരവാഹികളില്‍ ഒരു വിഭാഗം നേതാക്കള്‍ കെപിസിസി നേതൃത്വത്തെ സമീപിച്ചതായാണ് വിവരം.
