ഓട്ടന്തുള്ളല് കലാകാരി കലാമണ്ഡലം ദേവകി(75) അന്തരിച്ചു. ഹൃദയാഘാതത്തെ തുടര്ന്ന് തൃശൂരിലെ സ്വകാര്യ ആശുപത്രിയിൽ ചികിത്സയിലിരിക്കെ പുലർച്ചെയോടെയായിരുന്നു അന്ത്യം. വടക്കാഞ്ചേരിക്കടുത്ത് എരുമപ്പെട്ടി നെല്ലുവായ് സ്വദേശിനിയാണ്. ക്ലാസിക്കല് നൃത്തവും കഥകളിയും ചെയ്തിരുന്നു. തുള്ളല്ക്കലയിലെ ആദ്യ വനിത കൂടിയാണ് കലാമണ്ഡലം ദേവകി. 1997-ൽ കേരള സംഗീത നാടക അക്കാദമി പുരസ്കാരം, 1999-ൽ കുഞ്ചൻ സ്മാരക പുരസ്കാരം, കലാമണ്ഡലം പുരസ്കാരം ഉള്പ്പെടെ നിരവധി അംഗീകാരങ്ങൾ നേടിയിട്ടുണ്ട്.
