സംസ്ഥാനത്ത് തിങ്കളാഴ്ച മുതല് നേരിയ മഴയ്ക്ക് സാധ്യത. ബംഗാള് ഉള്ക്കടലില് ന്യൂനമര്ദ്ദം രൂപപ്പെട്ടതിനെ തുടര്ന്നാണിത്. ചൊവ്വ, ബുധന്, വ്യാഴം ദിവസങ്ങളില് ഒറ്റപ്പെട്ടയിടങ്ങളില് ഇടിയോട് കൂടിയ മഴയ്ക്ക് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
തെക്കുപടിഞ്ഞാറന് ബംഗാള് ഉള്ക്കടല്, ശ്രീലങ്കന് തീരം, തെക്കു കിഴക്കന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെ വേഗത്തില് ശക്തമായ കാറ്റിന് സാധ്യതയുണ്ട്. അതേസമയം, കേരളം, കര്ണാടകം, ലക്ഷദ്വീപ് തീരങ്ങളില് മീന്പിടിത്തത്തിന് തടസ്സമില്ലെന്നും കാലാവസ്ഥ വകുപ്പ് അറിയിച്ചു.