കേരളീയം
തലസ്ഥാന നഗരത്തില് നവംബര് 1 മുതല് 7 വരെ ഭാഗിക ഗതാഗത നിയന്ത്രണം: മുഖ്യമന്ത്രി
മലയാളികളുടെ മഹോത്സവമായ ‘കേരളീയം 2023’ന്റെ ഭാഗമായി തിരുവനന്തപുരം നഗരത്തില് ഭാഗിക ഗതാഗത നിയന്ത്രണം ഏര്പ്പെടുത്തുമെന്ന് മുഖ്യമന്ത്രി പിണറായി വിജയന്. വെള്ളയമ്പലം മുതല് ജിപിഒ വരെ വൈകിട്ട് ആറു മുതല് രാത്രി 10 വരെ വാഹന ഗതാഗതം ഭാഗികമായി നിയന്ത്രിക്കും.
കവടിയാര് മുതല് വെള്ളയമ്പലം വരെ ഭാഗിക ഗതാഗത നിയന്ത്രണത്തിലൂടെ മുഴുവന് വാഹനങ്ങളും കടത്തിവിടുന്നതാണ്. നിര്ദിഷ്ട പാര്ക്കിംഗ് സ്ഥലങ്ങളിലല്ലാതെയുള്ള പാര്ക്കിംഗ് അനുവദിക്കില്ല. ഈ മേഖലയില് ഇനി പറയുന്ന സ്ഥലങ്ങളിലൂടെ മാത്രം സ്വകാര്യ വാഹനങ്ങള് ക്രോസ് ചെയ്തു പോകുന്നതിന് അനുവദിക്കുന്നതാണ്. പട്ടം, പിഎംജി ഭാഗത്തുനിന്നുള്ള വാഹനങ്ങള്ക്ക് യുദ്ധസ്മാരകം വേള്ഡ് വാര് മെമ്മോറിയല് പാളയം വഴി റോഡ് ക്രോസ് ചെയ്തു സര്വീസ് റോഡ് വഴി പഞ്ചാപുര-ബേക്കറി ജംഗ്ഷന്-തമ്പാനൂര് ഭാഗത്തേക്ക് പോകാവുന്നതാണ്.
ട്രാഫിക് തിരിച്ചുവിടുന്ന സ്ഥലങ്ങൾ
- പട്ടം ഭാഗത്തുനിന്നും തമ്പാനൂർ- കിഴക്കേകോട്ട ഭാഗത്തേക്ക് പോകേണ്ട വാഹനങ്ങൾ പി എം ജിയിൽ നിന്നും ജിവി രാജ- യുദ്ധ സ്മാരകം -പാളയം പഞ്ചാപുര- ബേക്കറി -തമ്പാനൂർ വഴി പോകാവുന്നതാണ്.
2.പാറ്റൂർ ഭാഗത്തുനിന്നും തമ്പാനൂർ- കിഴക്കേകോട്ട ഭാഗത്തേക്ക് പോകേണ്ട വാഹനങ്ങൾ ആശാൻ സ്ക്വയർ -അണ്ടർ പാസേജ് – ബേക്കറി- തമ്പാനൂർ വഴിയോ വഞ്ചിയൂർ- ഉപ്പിടാംമൂട് -ശ്രീകണ്ഠേശ്വരം ഫ്ളൈഓവർ വഴിയോ പോകാവുന്നതാണ്
3.ചാക്ക ഭാഗത്തുനിന്നും തമ്പാനൂർ- കിഴക്കേകോട്ട ഭാഗത്തേക്ക് പോകേണ്ട വാഹനങ്ങൾ ഇഞ്ചക്കൽ- അട്ടക്കുളങ്ങര- കിള്ളിപ്പാലം വഴിയോ ഇഞ്ചക്കൽ- ശ്രീകണ്ഠേശ്വരം- തകരപ്പറമ്പ് മേൽപ്പാലം വഴിയോ പോകാവുന്നതാണ്.
4.പേരൂർക്കട ഭാഗത്തുനിന്നും നഗരത്തിലേക്ക് വരുന്ന വാഹനങ്ങൾക്ക് പൈപ്പിൻമൂട് ശാസ്തമംഗലം ഇടപ്പഴിഞ്ഞി വഴി പോകാവുന്നതാണ്.
5.തമ്പാനൂർ-കിഴക്കേകോട്ട ഭാഗത്തുനിന്നു കേശവദാസപുരം ഭാഗത്തേക്ക് പോകേണ്ട വാഹനങ്ങൾ തമ്പാനൂർ- പനവിള-ഫ്ളൈ ഓവർ അണ്ടർ പാസേജ് -ആശാൻ സ്ക്വയർ- പി എം ജി വഴി പോകാവുന്നതാണ്.
6.തമ്പാനൂർ കിഴക്കേകോട്ട ഭാഗത്തുനിന്നും പേരൂർക്കട ഭാഗത്തേക്ക് പോകേണ്ട വാഹനങ്ങൾ തൈക്കാട്- വഴുതക്കാട് എസ്.എം.സി-ഇടപ്പഴിഞ്ഞി-ശാസ്തമംഗലം വഴി പോകാവുന്നതാണ്.
7.തമ്പാനൂർ കിഴക്കേകോട്ട ഭാഗത്തുനിന്നും ചാക്ക ഭാഗത്തേക്ക് പോകേണ്ട വാഹനങ്ങൾ അട്ടക്കുളങ്ങര ഈഞ്ചക്കൽ വഴിയോ ശ്രീകണ്ഠേശ്വരം-ഉപ്പിടാംമൂട് – വഞ്ചിയൂർ- പാറ്റൂർ വഴിയോ പോകാവുന്നതാണ്.
8.തമ്പാനൂർ കിഴക്കേകോട്ട ഭാഗത്തുനിന്നും പോകേണ്ട വാഹനങ്ങൾക്ക് അട്ടക്കുളങ്ങര- മണക്കാട് -അമ്പലത്തറ വഴി പോകാവുന്നതാണ്
9.അമ്പലത്തറ- മണക്കാട് ഭാഗത്തുനിന്നു വരുന്ന വാഹനങ്ങൾ അട്ടക്കുളങ്ങര ഭാഗത്തുനിന്നും തിരിഞ്ഞ് കിള്ളിപ്പാലം ഭാഗത്തേക്കും ഇഞ്ചക്കൽ ഭാഗത്തേക്കും പോകാവുന്നതാണ്. പാർക്കിംഗ് സോൺ: വിവിധ വേദികളിൽ നടക്കുന്ന പരിപാടികൾ കാണുന്നതിലേക്ക് വരുന്ന പൊതുജനങ്ങളുടെ വാഹനങ്ങൾ ഇനി പറയുന്ന സ്ഥലങ്ങളിൽ പാർക്ക് ചെയ്യാവുന്നതാണ്. –
1 പബ്ലിക് ഓഫീസ് ഗ്രൗണ്ട്,മ്യൂസിയം
2 ഒബ്സർവേറ്ററി ഹിൽ,മ്യൂസിയം
3 ജിമ്മി ജോർജ് ഇൻഡോർ സ്റ്റേഡിയം
4 വാട്ടർ വർക്ക്സ് കോമ്പൗണ്ട്,വെള്ളയമ്പലം
5 സെനറ്റ് ഹാൾ,യൂണിവേഴ്സിറ്റി
6 സംസ്കൃത കോളജ്,പാളയം
7 ടാഗോർ തിയറ്റർ,വഴുതക്കാട്
8,വിമൺസ് കോളജ്,വഴുതക്കാട്.
9,സെന്റ് ജോസഫ് സ്കൂൾ,ജനറൽ ആശുപത്രിക്കു സമീപം
10 ഗവ.മോഡൽ എച്ച്.എസ്.എസ്,തൈക്കാട്
11 ഗവ.ആർട്സ് കോളജ്,തൈക്കാട്
12 ശ്രീ സ്വാതിതിരുനാൾ സംഗീതകോളജ്,തൈക്കാട്
13 മാഞ്ഞാലിക്കുളം ഗ്രൗണ്ട്,തമ്പാനൂർ
14 ഗവ.ഫോർട്ട് ഹൈസ്കൂൾ
15 അട്ടക്കുളങ്ങര ഗവ.സെൻട്രൽ സ്കൂൾ
16 ആറ്റുകാൽ ഭഗവതിക്ഷേത്രമൈതാനം
17 ഐരാണിമുട്ടം ഗവ.ഹോമിയോആശുപത്രി ഗ്രൗണ്ട്
18 പൂജപ്പുര ഗ്രൗണ്ട്
19 ബി.എസ്.എൻ.എൽ.ഓഫീസ്,കൈമനം
20 ഗിരിദീപം കൺവെൻഷൻ സെന്റർ,നാലാഞ്ചിറ.
പാർക്കിംഗ് സ്ഥലങ്ങളിൽനിന്നു വിവിധ വേദികളിലേക്ക് പോകേണ്ട പൊതുജനങ്ങൾ കെഎസ്ആർടിസി ഇലക്ട്രിക് സ്വിഫ്റ്റ് ബസുകളുടെ സേവനം പ്രയോജനപ്പെടുത്തേണ്ടതാണ്. അനധികൃതമായി പാർക്ക് ചെയ്യുന്ന വാഹനങ്ങൾക്കെതിരേ നിയമനടപടി സ്വീകരിക്കും.പൊതുജനങ്ങൾക്ക് സംശയങ്ങളും അഭിപ്രായങ്ങളും താഴെ പറയുന്ന ഫോൺ നമ്പറുകളിൽ അറിയിക്കാവുന്നതാണ്.
ട്രാഫിക് എൻഫോഴ്സ്മെന്റ് യൂണിറ്റ് 9497930055
ഇൻസ്പെക്ടർ ഓഫ് പോലീസ്,ട്രാഫിക് സൗത്ത് 9497987002
ഇൻസ്പെക്ടർ ഓഫ് പോലീസ്,ട്രാഫിക് നോർത്ത് 9497987001
എ.സി.പി.ട്രാഫിക് സൗത്ത്:9497990005
എ.സി.പി.ട്രാഫിക് നോർത്ത്:9497990006
ശക്തമായ സുരക്ഷയുമായി പോലീസ്
സുരക്ഷാക്രമീകരണങ്ങളുടെ ഭാഗമായി 40 വേദികള് ഉള്പ്പെടുന്ന മേഖലകളെ നാലുസോണുകളായും 12 ഡിവിഷനുകളായും 70 സെക്ടറുകളുമായി തിരിച്ച് പഴുതടച്ചുള്ള സുരക്ഷാക്രമീകരണം സജ്ജമാക്കിയിട്ടുണ്ട്. മുഖ്യവേദികള് ക്രമീകരിച്ചിരിക്കുന്ന കവടിയാര് മുതല് കിഴക്കേക്കോട്ട വരെ വൈകിട്ട് 6 മുതല് രാത്രി 11 വരെ കെഎസ്ആര്ടിസി ഇലക്ട്രിക് ബസുകളില് സൗജന്യ യാത്ര ഒരുക്കും. കേരളീയം വേദികള് ബന്ധിപ്പിച്ചുകൊണ്ട് സന്ദര്ശകര്ക്ക് സൗജന്യ യാത്ര ഒരുക്കാന് കെഎസ്ആര്ടിസി ഈ മേഖലയില് 20 ഇലക്ട്രിക് സ്വിഫ്റ്റ് ബസുകള് സജ്ജീകരിച്ചിട്ടുണ്ട്. ഈ മേഖലയില് ഇലക്ട്രിക് സ്വിഫ്റ്റ് ബസുകള്, പ്രത്യേക പാസ് വാഹനങ്ങള്, ആംബുലന്സുകള്, മറ്റ് എമര്ജന്സി സര്വീസുകള് എന്നിവ മാത്രമേ അനുവദിക്കൂ.
നിശ്ചിത പാര്ക്കിംങ് ഏരിയകളില് നിന്നും നിലവിലെ സര്വ്വീസുകള്ക്കു പുറമെ റെഡ് സോണുമായി ബന്ധിപ്പിക്കുന്നതിന് കെ.എസ്.ആര്.ടി.സി കൂടുതല് സര്വ്വീസുകള് ആവശ്യാനുസരണം 10 രൂപാ നിരക്കില് നടത്തുന്നതാണ്. കവടിയാര് മുതല് കിഴക്കേകോട്ട വരെയുളള പ്രധാന വീഥി റെഡ്സോണായും, അതിലേക്ക് ചേരുന്ന മറ്റു റോഡുകളെ ഓറഞ്ച്സോണായും, മറ്റു ഭാഗങ്ങളെ ഗ്രീന്സോണായും തരം തിരിച്ചിട്ടുണ്ട്. കവടിയാര് മുതല് കിഴക്കേകോട്ടവരെയുളള റെഡ് സോണില് വൈകുന്നേരം 06 മണി മുതല് 11.00 മണി വരെ വാഹന ഗതാഗതനിയന്ത്രണം ഏര്പ്പെടുത്തും.
സുരക്ഷയുടെ മേല്നോട്ടത്തിനായി 19 എസിപി/ഡിവൈ.എസ്.പിമാരും 25 ഇന്സ്പെക്ടര്മാര്, 200 എസ്ഐ/എഎസ്ഐ ആയിരത്തിലധികം പൊലീസ് ഉദ്യോഗസ്ഥര്, 250 നു മുകളില് വനിതാ ബറ്റാലിയനില് നിന്നുള്ള പൊലീസ് ഉദ്യോഗസ്ഥരെയും ഇതിനു പുറമേ 300 വോളണ്ടിയര്മാര് എന്നിവരെയും ഡ്യൂട്ടിക്കായി നിയോഗിച്ചിട്ടുണ്ട്. പ്രധാന വേദികളില് ആരോഗ്യവകുപ്പിന്റെയും ഫയര്ഫോഴ്സിന്റെയും സേവനം ലഭ്യമാക്കും. ആംബുലന്സ് അടക്കമുള്ള സേവനം ഉറപ്പാക്കും. സ്ത്രീകള്ക്കും കുട്ടികള്ക്കും പ്രത്യേക സുരക്ഷ ഉറപ്പാക്കുന്നതിന്റെ ഭാഗമായി തിരക്കേറിയ സ്ഥലങ്ങളില് പൊലീസിന്റെയും സിറ്റി ഷാഡോ ടീമിന്റെയും നിരന്തരമായ നിരീക്ഷണവും ശക്തമാക്കും. തിരക്ക് അനുഭവപ്പെടാന് സാധ്യതയുള്ള റോഡുകള്/ഇടറോഡുകള് ഉള്പ്പെടെയുള്ള സ്ഥലങ്ങളില് നിശ്ചിത ഇടവേളകളില് പട്രോളിങ് ശക്തമാക്കും. കൂടുതല് നിരീക്ഷണ ക്യാമറകള് സ്ഥാപിച്ച് സുരക്ഷാ സംവിധാനം ശക്തമാക്കും.